कल्पनाका ती मेरा, महल बिचरा,
कोपिलामै झरेका, गजल बिचरा ।
नआएर उनी, तरंग छुटाउन,
तलाउ जस्तै सदा, अचल बिचरा ।
एकै अञ्जुली ऊन्को, डुब्ने चाहमा,
प्यासी आफैँ कूवा, पलपल बिचरा ।
विचारले थिच्दा, मनले उचाल्दा पनि,
बनेर गीत खुल्न, असफल बिचरा ।
कमजोर देखिए, सबल भएर पनि,
मेरा दिलका चहलपहल बिचरा ।
काफिया झरी, रदिफ चुँडिएर,
एक्लै तखल्लुस, हरपल बिचरा ।
- रविन्द्र रिजाल
No comments:
Post a Comment
Your feedback ?